हे दयाळा

अडकवू नको देवा जन्मफे-यात मला

स्वार्थी या जगात मिळे मज उपहास

असह्य होती मज अशा ह्या गोष्टी

देवा लागू दे मना तुझ्या नामाचा ध्यास

आवडते तूज ते !  दिले मी तुला खास 

चरणी तुझ्या मिळो जागा हीच मज आस !

© पुष्पा पटेल "पुष्पम्"

सवय

कितीदा तुला सांगावे

मला काहीच कळेना

उशिरा उठायची सवय

तुझी जाता जाईना

"लवकर निजे लवकर उठे

त्यासी ज्ञानसंपत्ती भेटे"

हा मंत्र तू अंमलात आणना!

© पुष्पा पटेल "पुष्पम्"

निष्काम भक्ती

आहे हो  कृपा  भगवंताची

केली   मी  भक्ती  निष्काम

स्वतःचे असे काही  मिळावे

म्हणून केले  निष्ठेने मी काम!

© पुष्पा पटेल "पुष्पम्"

सुखाचे वारे

दुःखाचा भागाकार केला

विसरले आहे दुःख  सारे

सुखाचा  क्षण आणलाय

नको आता वेदनेचे पहारे

तुझी कृपा असू द्या साई

दुःखातही वाहतील सुखाचे वारे!

© पुष्पा पटेल "पुष्पम्"

मी भाग्यवंत!

आहे  प्रभूजीचा हात शिरावर

नाही हो  मला कुठलीच  खंत

का  ठेऊ मी मनात किंतू-परंतू

माझ्यासारखी मीच भाग्यवंत !

© पुष्पा पटेल "पुष्पम्"

खेळ भावनांचा

भावनांचा खेळ सारा

कुठवर खेळशी मना

जगी स्वार्थाचा बाजार

दखल  कुणी घेई ना

आपुलेच निघाले बेईमान

दुस-यासी बोलवेना

© पुष्पा पटेल "पुष्पम्"

चांद रात

सख्या चांदणे हे मनोहर आहे

नको देऊ दूर रहाण्याची सजा

ये ना या शितल अशा  रात्रीत 

घेऊ मनसोक्त फिरण्याची मजा!

© पुष्पा पटेल "पुष्पम्"