अहो...एक कप चहा
वाफाळलेला...
घोटभर का असेना
पिऊन तर पहा !
अंगाची हुडहुडी
करण्यासाठी दूर
फुर्रऽऽकन प्या...
उबदारपणासाठी चहा !
स्फूर्ती येईल प्यायल्याने
दिवसाची गोड सुरुवात
चहाने हो होईल
तन-मन आनंददायी पहा...!
डोकेदुखी असो की चक्कर
चहा घेता होई छुऽमंतर
अशी जादू न्यारी
दाखवी एक कप चहा !
आपुलकी वाढवितो
माणसा माणसात
गोडी वाढवतो जनमानसात
त्यास मोठ्ठा मान अऽहा!
वाटू लागता कंटाळवाणे
चहा प्यावासा वाटे
गप्पांच्या मैफलीत
वासाने स्फूर्ती देतो चहा
प्रीतिची हाक ऐकता
मन जेव्हा सैरभैर होते
मिलनाची तृष्णा शांतवी
हॉटेलच्या टेबलावर चहा!
पै-पाहुणे येता घरा
स्वागता चहापान
प्रेमाने गातो आबालवृद्ध
चहाचे गुणगान
प्रेमाचं प्रतीक आहे
फक्त एक कप चहा
पिऊन झाल्यावर मिळवतो
प्रियकराची वाहऽऽवाऽ !
चहाच्या वाफेसारखे
सुख दुःख उडवून द्यावे
गोडवा ठेवून आपल्या मनात
जीवनगाणे आनंदाने गावे !
©®सौ पुष्पा पटेल "पुष्पम् "
