माझं माहेर हो गोड
गाऊ किती गुणगान
माहेर शब्द उच्चारता
विसरते मी देहभान
माझं माहेर जणू
मायेचं साजूक तूप
आईबाबांचा प्रेमाचं
आहे अनमोल रुप !
माझ्या माहेराची गोडी
बहू अविट अविट
माहेरचा वाटेवर
सोन्या चांदीचे हो पाट
माझ्या माहेरची गाणी
गातो स्वर्गीचा गंधर्व
माहेराची जन्मकथा
भाट पोथीचा संदर्भ
माहेरची सय येता
मनी भेटीची हूरहूर
आई बाबांना बघण्या
जीव होई अनावर !
असं माझं माहेर
सुखाचं हो आगर
आनंदाचा वाहे झरा
मायेचा ते सागर!
©®सौ पुष्पा पटेल "पुष्पम्"
