समाजसुधारकाचे व्रत घेतले
निश्चयाने दोहोंनी हाती
अज्ञानाच्या तिमिरात चमकले
ज्ञानसूर्य होऊन सावित्री-ज्योती
सावित्रीच्या हस्ते रचली
स्री-शिक्षणाची मुहूर्तमेढ
सनातनींंना न घाबरता
मोडीली कर्मठतेची तेढ
रांधा वाढा उष्टी काढा
तोडिल्या परंपरेच्या भींती
ज्ञानार्जनाचा वसा घेऊन
लेकींना दिली अक्षर नीति
ज्योती-सावित्रीच्या कष्टातून
फुलले अनंत ज्ञानाचे मळे
वाहते मी आज कृतज्ञतेने
कोटी कोटी पुष्पांची दळे
सत्यशोधक, महान समाज
सुधारक ज्योतीबा फुलेंना
🙏🌹शतकोटी प्रणाम ! 🌹🙏
©®सौ.पुष्पा पटेल "पुष्पम्"
मु.पो.म्हसावद
