जीवनगाणे आपुले आनंदी मनाने गातंच रहावे
सुविचार आणि सदाचार यांची करावी बेरीज
जगावं मस्त आनंदी, कुविचार अन् द्वेशा खेरीज
दुःखाला भागून सुखाला गुणावं अंतरी
अन् फक्त पदरी बांधावी अनुभवांची शिदोरी
आयुष्याचा वहीची पानं लिहावी सुखसमाधानात
राहू द्यावे ते गणित शाळेचाच दप्तरात
नवीन को-या पानावर रोज चित्र रेखाटावं छान
रंग उधळावे सप्तरंगी जणू मैफीलीत ओढावी सुरेख सप्तसुरांची तान!
©®सौ.पुष्पा पटेल "पुष्पम्"
