गीताई

गीता    जन्मोत्सव   साजरा केला

विचार   मी    गीतेचे   अंगिकारले

आधी   केले   मग  जना सांगितले

प्रभूस्पर्शी  शब्द ऐकता धन्य झाले

अठरा अध्यायी साठले ज्ञान भांडार

सातशे   श्लोक भासती जीवनाधार

जन्म  होय  तृप्त   करा   अमृतपान

स्विकारु स्वयें जनांसी देऊ सुविचार

© पुष्पा पटेल " पुष्पम् "

मी भाग्यवंत!

आहे  प्रभूजीचा हात शिरावर

नाही हो  मला कुठलीच  खंत

का  ठेऊ मी मनात किंतू-परंतू

माझ्यासारखी मीच भाग्यवंत !

© पुष्पा पटेल "पुष्पम्"

सखा

साथ  तुझी  आहे  दयाळा

म्हणून  घेतली  उंच  भरारी

जगी  विहरते रे मी आनंदाने

तुच माझा सखा कृष्णमुरारी!

© पुष्पा पटेल "पुष्पम्"

दातृत्व

देवा  तुझ्या  दातृत्वाचा

सुगावा  नाही  लागत  रे 

देतोस  तू  मज  भरभरून

समाधानाने भरून पावते रे!

© पुष्पा पटेल "पुष्पम्"

अमृतनाम

देवा अमृताहूनी गोड तुझे

एक एक रे नाम !

हृदयी भरीते विसरुन काम

तूच माझ्या शाम तूच राम

जीवांचा तूच विश्राम

विठ्ठला ! तूच रे कैवल्यधाम

तूझे पाहता रुप

जीवा लागे आराम

रुक्मिणीवरा,स्विकार माझा प्रणाम!

© पुष्पा पटेल " पुष्पम् "

तुझी कृपा राहो!

तुझे  नाम आळविता आई

क्षणभर दुःख  मी  विसरते

क्लेश  सारे   गळून  पडती

आनंदसागरी  मी  हो डुंबते

अशीच कृपादृष्टी ठेव जगदंबे

मी नमन तुज साष्टांग  करीते🙏🙏

© पुष्पा पटेल " पुष्पम् "

असावा सांगाती

तुझा विसर न व्हावा देवा !

केला मी सत्याचा अट्टाहास

दूर ठेव तम ने तू प्रकाशदिशी 

असू दे तुझा कायम सहवास

कलह क्लेशासी ठेवावे तू दूर

जेथे जाईन तेथे असू दे तुझा वास

© पुष्पा पटेल " पुष्पम् "

दयाळा

साथ आहे तुझी दयाळा

म्हणून मी आनंदी आहे

तुच रे माझा जगजेठी

तुच माझा पालनकर्ता

अशीच असू दे कृपा तुझी

देई मज आशीष सुखकर्ता

देवा तुझा विसर न व्हावा!

© पुष्पा पटेल "पुष्पम्"

रे जगजेठी

देवा...! जीवन तुच दिले रे मला 

आनंदही तूच दिला हो मला 

तिमिर घालविण्या दिली दृष्टी

तुझ्या कृपाबळे पाहते रुप तुझे

अन् पाहते तुझी कला आणि सृष्टी

क्लेशाला येथे नसे रे जागा

आयुष्याचा वस्राला तुझा प्रितीचा धागा

कवितेत माझ्या तुझीच शब्दप्रभा

आशीष तुझा सदैव असू दे जगजेठी

नमन तुला करीते मी कोटी कोटी !

[ समस्त वाचक मित्र-मैत्रीणींना " कोजागिरी पौर्णिमेच्या " महन्मंगल अमृतमय शुभेच्छा!]

🌹🌟🌕💎🌟🌕💎🌟🌕💎🌹

© पुष्षा पटेल " पुष्प "

पहाटेचं स्वप्न (त्रिवेणी)

देवा धुके हे संकटाचे विरु दे जरा

आधारवड आहे रे तू आमुचा खरा

पहाटेचं स्वप्न माझं पूर्ण होऊ दे जरा

© पुष्पा पटेल "पुष्पम्"

चित्तचोर (शंकरपाळी काव्य)

हे

देवा

श्रीहरी

चित्तचोर

शामसुंदर

देवकीनंदना

द्वारकेचा तू राणा

सुदर्शन   चक्रधारी

प्रणत क्लेशनाशना

नंदनंदन  गोपाला

राधामनमोहना

कमलनयन

कंजलोचन

नारायण

गोविंद

कृष्ण

श्री

🌹🙏🌹

© पुष्पा पटेल " पुष्पम् "

गजवदना (अभंग )

हे गजवदना । पार्वती नंदना ।

करीते प्रार्थना । शिवसुता ।।

तू सुखकरता । तू दुःखहरता ।

शुभ लाभ पिता । विद्याधिशा ।।

गणनायक तू । दुःख निवारक ।

तू शुभदायक । लंबोदरा ।।

अष्टविनायक । शुर्पकर्णक तू ।

 महागणेश तू। मोरेश्वरा ।।

© पुष्पा पटेल " पुष्पम् "