शरद्पौर्णिमेच्या चांदण्यात
मी घेतली लेखणी हाती
आनंद वाटे मजला आज
सारं विश्व आज सोबती
ता-यांचा झुल्यावर आज
चांदोबा बघा विराजले
क्षिरपात्र भासे मज जणू
अमृत घट घेऊन आले
निळ्या नभीचे चंद्र किरण
केशरयुक्त दुधात न्हाती
वाटे चांदण्यांचा संगतीने
कृष्ण राधा रास खेळती !
समृध्दीचा आशिष देऊन
निघाली कोजागिरी निशा
सुख समृद्धी वस्र लेऊन
पहा उजाडल्या दशदिशा !
कोजागिरी पौर्णिमेच्या हार्दिक शुभेच्छा
©®सौ पुष्पा पटेल "पुष्पम् "
