कसोटी(शेलचारोळी)

ख-या माणसाला आयुष्यात कधी

कधी  तरी  कसोटी द्यावी लागते !

भिष्म असो किंवा युधिष्ठिर असो

असो ! त्यांच्या पश्चात जग पुजीते!

© पुष्पा पटेल " पुष्पम् "

अभिष्टचिंतन

माझे " अहो " आणि सर्वसुखाचे सागर, प्रितीचे आगर प्रा . पुरुषोत्तम पटेल यांच्या आज वाढदिवस...🎂 

त्यानिमित्त अभिष्टचिंतनपर ही शब्दसुमने!

तुम्हास उदंड आयुष्य लाभो! ही श्री विघ्नेश्वर आणि आई जगदंबा चरणी विनम्र प्रार्थना!

🎂अभिष्टचिंतन 💐 

सख्या रे  तुझ्या सोबतीने

आनंदात  न्हाले  की मी !

सप्तजन्मीचे   सर्व   सुख

याच जन्मी अनुभवते मी! 

देवा.  तुला  प्रार्थना माझी

देशील   आशिष   तू मला

अमृतगोडीची  साथसंगत 

लाभू दे जन्मोजन्मी मला !

© पुष्पा पटेल " पुष्पम् "

इवलसं मन

इवलसं मन माझं

घेतय हो उंच भरारी

गगनाला  गवसणी

घालून मारतंय फेरी

इवलसं मन माझं

झालंय फुलपाखरू

बालपणीच्या आठवणीत

रमलं कसं आवरू

इवलसं मन माझं

गेलं एकदा माहेरी

आई-बाबांशी गूज

करुन फिरलं माघारी

इवलसं  मन  माझं

गेलं ' अहो 'च्या ऑफिसात

गर्रऽकन गिरकी मारुन

परत आलं हो  घरात !

© पुष्पा पटेल "पुष्पम्"

मृदगंध

डूबी हू तेरे प्यार में

तुझ्या प्रीतीचा गंध बेधुंद!

बिना बारीश भीगी रे मै रसीया

तू आषाढ मेघसरी मी रे मृदगंध!

© पुष्पा पटेल "पुष्पम्"

उंच भरारी

मुक्त  आभाळी  घेतली  उंच भरारी

नवी  उमेद  नवा विश्वास  ठेवून मी

जुनी आपुलकी आज फळा आली

नंदनवनात  भ्रमंती करुन आले मी

© पुष्पा पटेल " पुष्पम् "

शब्दफुले

सागरापाशी आहे शुभ्र मोती

नाही  रे  अप्रुप   त्याचे  मला

तुझ्या  लेखनीतील शब्दफुले

सख्या भुरळ घालती रे  मला

© पुष्पा पटेल " पुष्पम् "

वाट अनोळखी!

मनात ठेऊन आत्मविश्वासाची धग

अनोळखी वाटेवरुन चालतेय मी!

तमा ना बाळगली मी खाचखळग्यांची

शिखर गाठले धैर्याने ठेवून युक्ती नामी!

जे मिळविले ज्ञान ध्यानी ठेविले

पावलागणिक गुरुपदेश स्मरण केला मी

चालता वाट सापडे थांबला तो संपला

दिशाहिन वा-यातही यशोशिखरी पाय रोवले मी !

© पुष्पा पटेल " पुष्पम् "