🦋 मन फुलपाखरू 🦋

आठवणींच्या हिंदोळ्यावर

मन माझे वेडे झुलते रे !

क्षणात येते क्षणात जाते

फुलपाखरू होऊन भिरभिरते रे !

बालपणीच्या अल्लड वाटा

उनाड होऊन चालते रे !

बालपणीच्या तो काळ सुखाचा

कानी हळूच गुणगुणते रे !

निमिषार्धात घेऊन गिरकी

सप्तरंग जीवनाचे दाखवी रे!

सुख हर्षाच्या गंधकोषी

सख्यासवे गूज करते रे !

नाजूक लता ही संसाराची

हळवे होऊन जपते रे !

आठवणींच्या हिंदोळ्यावर

मन माझे वेडे झुलते रे !

©® पुष्पा पटेल " पुष्पम् "