सख्या रे
सांजवेळ झाली आता
थकली रे वाट पाहून
चाहूल लागता तुझी रे
हसू ओसंडलं ओठातून
तुला बघताच ऋतूराज
वसंत फुलला मम हृदयी
गंगा यमुना बघताच रे
पाण्यावर धावल्या गायी
© पुष्पा पटेल " पुष्पम् "
मंगळवार, सप्टेंबर २१, २०२१
मनमौजी (शेलकाव्य)
कळत नाही मला रे तुझं
तुझं हे वेळी अवेळी येणं
न सांगताच रे अचानक
अचानक चिंब भिजवणं
तू येऊन भिजवतो चिंब
चिंब होता मोहरते अंग
माझेच कळत नाही मला
मला क्षणात करी नि:संग
आठवतो तो सुखाचा क्षण
क्षण ते विसरू कसे रे मी
गिरकी मारुन घेते फेर
फेर धरते मनमौजी मी
© पुष्पा पटेल "पुष्पम्"
शनिवार, सप्टेंबर १८, २०२१
एल्गार
[ सद्य परिस्थिती पाहता महाराष्ट्रात व देशात सर्वच राज्यांमध्ये लेकी-बाळींवर अत्याचाराच्या घटना अनुभवास येत आहे.हे हृदय पिळवटून निघते.त्या अनुषंगाने स्फूरलेली हे काव्य!]
फुलण्याआधी कोमेजून गेल्या
कितीक कोवळ्या सुंदर कळी
नाव असे निर्भया...
मानव विरुद्ध दानववृत्ती झाली बलवान
कितीक झाल्या वासनाच्या बळी
वासनांध ते हृदयी नसे दयामाया
नराधम कृत्य ओरबाडती ते काया...
बहिरे सरकार नसे रुदन ऐकाया
नको हे यज्ञकुंड! नको झोकू तू काया
उठ...ए नारी ! तू हो नारायणी !
घे हाती तळपती तलवार हो भवानी
बस्स!नको रडणे नको कुढणे
आता एकच आपुला निर्धार!
मिळून सा-या जणी आपण
करु नवा एल्गार !
नको दया नको माया
जे जे नाठाळ त्यांना दे धरणी ठाय!
किती आले करुन गेले वायदा
डोळ्यांवर पट्टी बांधून उभा आंधळा कायदा
आपण होऊ दुर्गा चंडी कालिका
नराधमांना लावू शिवकायदा
हाच ग् खरा न्याय...
संपवू आता आपण !
आपुल्यावरचा अघोरी अन्याय!
© पुष्पा पटेल " पुष्पम् "
याची सदस्यत्व घ्या:
पोस्ट (Atom)
ओल्या सांजवेळी!
सख्या ओल्या सांजवेळी मन माझे हिंदोळ्यावर झुले तू येण्याची चाहूल लागताच हृदयी माझ्या वसंत फुले सख्या ओल्या सांजवेळी नजर माझी...
-
अस्तित्वाचा शोध घेतांना खाचखळग्याची वाट तुडवतांना अवचित लाभला तुझा हात विखुरलेल्या स्वप्नांची पानं धुंडाळतांना तूच दिली मज आपुलक...
-
शोधु मी कुठे नव्हते आपुले ते कधीही नाते कसे ठेवू रे नाव मी त्या नात्याला अनामिकाला © पुष्पा पटेल " पुष्पम् " -
जय भवानी जय शिवाजी हाक ऐकताच उठे गात्रात शिरशिरी ! शिवराजे ! भूपती,अश्वगजपती गडपती प्रौढप्रतापपुरंदर, सिंहासनाधीश्वर स्वर... -
तेरी सुंदर मुस्कान 🌹 ❤️ गाली तुझ्या चंद्राची खळी ग् 🌙 🌕 💎 ओठोकी लाली जैसी गुलाब कली 🌹🌷🌹🌷🌹... -
प्रिये हातात हात घेऊन तू माझं जीवन ग् उजळवलेस काजव्यापरी येऊन तू माझ्या आयुष्याला प्रकाशमान केलेस प्रारंभी भासलीस ग... -
रुठकर ना यू जावो तुझ्या प्रीतीचा लागला गंध रुक जावो दिल में भर लू तुम्हे तुझ्या रुपात भरते प्रीतीचा सुगंध! © पुष्पा पटेल ... -
नऊ महिने पोटी माझं ओझं घेऊन वावरलीस तू आई ! तुझ्या माया- ममत्वाला त्रिभूवनी तरी उपमाच नाही तुझ्या आईपणाचा देवालाही हेवा देवही... -
हे गजवदना । पार्वती नंदना । करीते प्रार्थना । शिवसुता ।। तू सुखकरता । तू दुःखहरता । शुभ लाभ पिता । विद्याधिशा ।। गणनायक तू । दुः...
