Followers

मंगळवार, नोव्हेंबर १६, २०२१

क्षण तो निश्चयाचा !

लढली   जीवनात   मी  खुमखुमीने
मिळाले   यश   मला   आत्मबळाने

नाही   मी  अबला  मी  सबला नारी
समाजाला   दिशा  दिली  कर्तृत्वाने

निश्चयाचा  महामेरू  उभा  केला मी
जगण्याचा आदर्श ठेवला स्वबळाने!

© पुष्पा पटेल " पुष्पम् "

सोमवार, नोव्हेंबर १५, २०२१

अमृतनाम


देवा अमृताहूनी गोड तुझे
एक एक रे नाम !
हृदयी भरीते विसरुन काम
तूच माझ्या शाम तूच राम
जीवांचा तूच विश्राम
विठ्ठला ! तूच रे कैवल्यधाम
तूझे पाहता रुप
जीवा लागे आराम
रुक्मिणीवरा,स्विकार माझा प्रणाम!

© पुष्पा पटेल " पुष्पम् "

रविवार, नोव्हेंबर १४, २०२१

मधूर स्वर

तुझ्या मधूर स्वरांनी
प्रभात माझी गोड झाली

तुझ्या स्वरांचा दुनियेत
मी   माझी  ना राहीली

तुझ्या अमृतापरी गोड शब्द
प्राशुन मी  तृप्त झाली


© पुष्पा पटेल "पुष्पम्"

शुक्रवार, नोव्हेंबर १२, २०२१

निर्धार

निर्धार माझा आग आहे...
त्यास लाभे तेजाची झळाळी
पाहता बसे डोळ्यांना झाक!
निर्धारापुढे येतील जे काही
त्याची करेन मी चिमूटभर राख!

© पुष्पा पटेल " पुष्पम् "

गुरुवार, नोव्हेंबर ११, २०२१

विश्वास

किनारा दुर हैं साथी
हाथ पकड के रखो
हालांत सुधर जायेंगे
विश्वास मुझपे  रखो

© पुष्पा पटेल "पुष्पम्"

बुधवार, नोव्हेंबर १०, २०२१

प्रितकळी

सख्या, तुझे स्मित हास्य फुलविते 
गुलाबी  प्रितकळी  माझ्या  हृदयी
फुललेल्या  त्या  गुलाबाचा गंधात
भ्रमर होऊन हरवतो तू त्या समयी...!

© पुष्पा पटेल " पुष्पम् "

मंगळवार, नोव्हेंबर ०९, २०२१

तुझी कृपा राहो!

तुझे  नाम आळविता आई
क्षणभर दुःख  मी  विसरते

क्लेश  सारे   गळून  पडती
आनंदसागरी  मी  हो डुंबते

अशीच कृपादृष्टी ठेव जगदंबे
मी नमन तुज साष्टांग  करीते🙏🙏

© पुष्पा पटेल " पुष्पम् "

ओल्या सांजवेळी!

सख्या ओल्या सांजवेळी  मन माझे हिंदोळ्यावर झुले  तू येण्याची चाहूल लागताच  हृदयी माझ्या वसंत फुले  सख्या ओल्या सांजवेळी  नजर माझी...